“ខ្នាយកាច់ ឆ្លាក់យ័ន្ដ” ជាបទចម្រៀងស្នេហាជាតិ បង្ហាញពីទឹកចិត្ដលះបង់ និងអង់អាចក្លាហានរបស់យោធាខ្មែរ។នៅគ្រាដែលបញ្ហាព្រំដែនខ្មែរ-ថៃ កំពុងតានតឹង ហើយកងកម្លាំង នៃប្រទេសទាំងពីរនៅប្រឈមមុខដាក់គ្នា បទចម្រៀងមួយនេះ ត្រូវបានបងប្អូនខ្មែរចែករំលែក និងចូលស្ដាប់កាន់តែច្រើន។

បើតាមលោក ថូយ ករុណា “ខ្នាយកាច់ ឆ្លាក់យ័ន្ដ” គឺជាបទមនោសញ្ចេតនាមួយក្នុងចំណោមបទចម្រៀងចំនួន ១៣បទ ដែលលោកបាននិពន្ធ និងច្រៀងដោយខ្លួនឯងផ្ទាល់ ក្នុងរយៈពេល ១៧ឆ្នាំ។ ក្នុងរយៈពេលច្រើនឆ្នាំមកនេះ លោកបានផលិតបទចម្រៀងឲ្យគេជាង ១០០បទ ខណៈដែលរូបលោកក៏ចេញច្រៀងតាមកម្មវិធីផ្សេងៗជារើយៗ។